იმერეთის რეგიონში ჰაერის ტემპერატურამ დაიკლო, ზემო იმერეთში კი თოვს, ასევე თოვს რიკოთის უღელტეხილზეც.
“ინფო იმერეთს” ფოტოებს მოსახლეობა სხვადასხვა მუნიციპალიტეტიდან აწვდის, სადაც ჩანს, რომ რიგ შემთხვევაში თოვლის საფარი 5 სმ-საც აღწევს.
“მანამდე სითბოები იყო, ხეხილის ნაწილი აყვავებულია, ახლა რომ ტემპერატურა დაეცა, მოსავალს ძალიან გააფუჭებს”, – ამბობს ზემო იმერეთის მკვიდრი “ინფო იმერეთთან” საუბრისას.
გარემოს ეროვნული სააგენტოს ინფორმაციით, მომდევნო დღეებში საქართველოს რიგ მუნიციპალიტეტებში ტემპერატურა მინუს 4 გრადუსამდეც დაეცემა.
კომენტარები