ქუთაისში უწყვეტი პროტესტი გრძელდება.
133 დღეა, მოქალაქეები ხელახალ არჩევნებს და აქციების დროს უკანონოდ დაკავებულთა გათავისუფლებას მოითხოვენ.
მათი თქმით, 1989 წლის 9 აპრილიდან 36 წლის შემდეგ “ოცნება” რუსეთს არც კი ახსენებს და ქვეყანას აბრუნებს იქ, საიდანაც თავის დაღწევას თაობების ბრძოლა დასჭირდა.
როგორც უწყვეტი პროტესტის მონაწილეები აღნიშნავენ, საქართველოს დამოუკიდებლობა და თავისუფლება ისევ დასაცავია, მათ შორის “ქართული ოცნებისგან”, რომელიც ქვეყანას რუსეთისკენ მიაქანებს.
მათივე თქმით, შექმნილი ვითარებიდან ერთადერთი გამოსავალი ხელახალი არჩევნებია.
საქართველოში უწყვეტი საპროტესტო აქციები 2024 წლის 28 ნოემბრიდან მას შემდეგ დაიწყო, რაც “ქართული ოცნების” პრემიერმა ირაკლი კობახიძემ განაცხადა, რომ 2028 წლის ბოლომდე დღის წესრიგში არ დააყენებენ ევროკავშირთან წევრობაზე მოლაპარაკების გახსნის საკითხს, ასევე 2028 წლის ბოლომდე უარს იტყვიან ევროკავშირის საბიუჯეტო გრანტებზე. აქციების დასაწყისში დემონსტრანტების დასაშლელად პოლიცია იყენებდა წყლის ჭავლს და ცრემლსადენ გაზს. დააკავეს ასობით ადამიანი, მათ შორის, 50-ზე მეტი პირის მიმართ სისხლის სამართლებრივი დევნა დაიწყო.
კომენტარები