ქუთაისის ცენტრალურ და პერიფერიულ ქუჩებში არსებული სკვერები და ადგილზე განთავსებული საბავშვო ატრაქციონები მოუწესრიგებელია და შეკეთებას საჭიროებს.
ერთ-ერთი მაგალითია ჭალის გზაზე, მწვანეყვავილას ქუჩის მიმდებარედ მდებარე საბავშვო სივრცე, რომელიც წლებია, მოუვლელი და უსაფრთხოების სტანდარტებს ვერ აკმაყოფილებს.
ადგილობრივთა ინფორმაციით, ეს სივრცე ერთადერთია ბავშვებისთვის და მისი ინფრასტრუქტურა – განსაკუთრებით სასრიალო და სხვა ატრაქციონები – უკვე მრავალი წელია, გაუმართავ მდგომარეობაშია.
მოსახლეობა თავად ცდილობს სკვერის მოწესრიგებას და ტერიტორია ნარჩენებისგან გაწმენდილია.
მოსახლეობა ქუთაისის მუნიციპალიტეტის მერიისგან ელოდება შესაბამის რეაგირებას – ახალი საბავშვო ატრაქციონების დადგმას ან დაზიანებული ინფრასტრუქტურის რეაბილიტაციას.
კომენტარები