“ქუთაისში შემოვიარე ყველა ქსელური სუპერმარკეტი, პური არ არის – გზა არ იწმინდება და როგორ უნდა მიიტანონ”

ქუთაისის საკრებულოს წევრის თედო მესხის თქმით, ქალაქის მაღაზიებში პური არ არის.

დეპუტატის თქმით, მაღაზიებამდე პური დისტრიბუტორებმა გაუწმენდელი გზების გამო ვერ მიიტანეს.

“ქუთაისში შემოვიარე ყველა ქსელური სუპერმარკეტი – “დეილი”, “ორი ნაბიჯი”, “მაგნიტი”, არსად არ არის პური. პასუხი მარტივია, გზა არ იწმინდება და პური როგორ უნდა მიიტანოს დისტრიბუციამ”, – წერს სოციალურ ქსელში კოალიცია ცვლილებების წარმომადგენელი თედო მესხი.

ქუთაისში რამდენიმე დღეა, გადაუღებლად თოვს. დიდთოვლობამ ქალაქში მნიშვნელოვანი პრობლემები შექმნა.