საქართველოში რუსეთის მიერ ორგანიზებული სპორტული ტურნირი იგეგმება. საუბარია Mas-wrestling-ის საერთაშორისო ჩემპიონატზე.
როგორც “ფორმულას” გადაცემამ “ხალხთან ერთად” გაარკვია, საქართველოში რუსეთის ფედერალური მთავრობის წევრი, იაკუტის ოლქის სენატორი, ასევე Mas-wrestling-ის პრეზიდენტი ალექსანდრ აკიმოვი ჩამოდის.
აკიმოვი Mas-wrestling-ის “ევროპის ღია ჩემპიონატს” დაესწრება, რომლის ორგანიზატორიც რუსეთია. მამუკა ტუსკაძე, რომელიც საქართველოში ეროვნულ ფედერაციას აყალიბებს, რუსებს შეკრების ორგანიზებაში ეხმარება.
Mas-wrestling-ის ოფიციალურ საიტზე განთავსებული განთავსებული ინფორმაციით, “ევროპის ღია ჩემპიონატი” აპრილის თვის ბოლოს, წყალტუბოს სპორტკომპლექსში ჩატარდება.
ტუსკაძემ “ფორმულასთან” სატელეფონო საუბრის დროს დაადასტურა, რომ საქართველოში ჩამოვა აკიმოვიც და ყველა, ვისაც “ოკუპაციის შესახებ კანონი არ აქვს დარღვეული”.
ცნობისთვის, უკრაინის ომის დაწყების შემდეგ საქართველომ Mas-wrestling-ის დატოვა.
კომენტარები