იმერეთში მოსული უხვი ნალექის გამო ბაღდათის მუნიციპალიტეტი ელექტროენერგიის გარეშეა დარჩენილი.
ადგილობრივების თქმით, ელექტროენერგია დილის 10:00 საათიდან აღარ მიეწოდებათ.
“ინფო-იმერეთს“ “ენერგო პრო ჯორჯიაში“ განუცხადეს, რომ ინტენსიური თოვის გამო მაღალი ძაბვის გადამცემი ხაზი დაზიანდა და მიმდინარეობს აქტიური სამუშაოები.
სინოპტიკოსების პროგნოზით, უამინდობა კიდევ ორი დღის განმავლობაში გაგრძელდება.
კომენტარები