ქმრის მიერ მოკლული ორსული ახალგაზრდა ქალის დეიდაშვილი მომხდარზე საუბრობს.
მისი თქმით, მომხდარ ტრაგედიამდე რამდენიმე წუთით ადრე ოჯახი სადილობას აპირებდა.
“საჭმელი უნდა ეჭამათ. ბებიაჩემმა მითხრა, რომ აშკარად მაგიდა გაშლილი იყო – უნდა დამსხდარიყვნენ. ბავშვი იქვე იყო მგონი, კალიასკაში იჯდა თუ ტელეფონზე თამაშობდა ზუსტად არ ვიცი… დემეს ძმა აღარ ეყოლება. ის ობლად გაიზრდება, რადგან მამამ დედასთან ერთად ძმა მოუკლა”, – აღნიშნავს გარდაცვლილის ნათესავი ტელეკომპანია “ფორმულასთან”.
მისივე თქმით, გოგა გზირიშვილი მკვლელობის ჩადენამდე 2 კვირით ადრე ფსიქიატრიულ კლინიკაში წაიყვანეს, სადაც მას წამლები დაუნიშნეს.
დაკავებულის ადვოკატი ადასტურებს, რომ ბრალდებულს ფსიქიკური პრობლემები ჰქონდა, ფსიქიატრიულ კლინიკაში აღრიცხვაზე იყო და ფსიქოტროპულ მედიკამენტებსაც იღებდა.
ვარკეთილში ახალგაზრდა მამაკაცმა 22 წლის, 5 თვის ორსული ცოლი მოკლა.
მოკლულ ქეთა კეპულაძეს წყალტუბოს მუნიციპალიტეტის სოფელ ოფშკვითში სამშაბათს დაკრძალავენ.
კომენტარები