ზესტაფონის მუნიციპალიტეტში ავტომაგისტრალის მშენებლობის პროცესში მთის ფერდის ბეტონით მოპირკეთება მოხდა, თუმცა გაწვიმების შემდეგ, ბეტონის მასა ჩამოიშალა.
გზების დეპარტამენტის ინფორმაციით, უბისა-შორაპნის მონაკვეთზე მეწყრულმა პროცესმა დროებით მოპირკეთებული ზედაპირი ჩამოშალა.
ოპოზიციაში კი აცხადებენ, რომ ეს არის უხარისხოდ და არაჯეროვნად შესრულებული სამუშაოები.
“უხარისხოდ რატომ სრულდება სამუშაოები, იმიტომ, რომ კორუფცია მძვინვარებს, რომელშიც ჩართულია ყველა – მაღალი ეშელონებიდან დაწყებული. ეს არის დღევანდელი ხელისუფლების სახე”, – აცხადებს ხარაგაულის საკრებულოში “ნაციონალური მოძრაობის” წევრი თორნიკე ავალიშვილი.
კომენტარები