ეკონომისტების პროგნოზებით, თებერვლის ბოლოსთვის საწვავის ფასი საქართველოში, სავარაუდოდ, 4 ლარი იქნება.
ფასის ზრდა საერთაშორისო ბაზარზე ნავთობის გაძვირებასთან და იმ მაღალ გადასახადებთანაა დაკავშირებული, რომელსაც იმპორტიორი ქვეყნები იხდიან.
ბენზინის ფასი 2022 წლის იანვარში წინა წლის ანალოგიურ პერიოდთან შედარებით, 37,05%-ით არის გაზრდილი, დიზელი კი – 32,21%-ით არის გაძვირებული. ამის შესახებ, სტატისტიკის ეროვნული სამსახურის მიერ გამოქვეყნებული მონაცემებიდან ირკვევა.
“ვითარება ნამდვილად არ არის ოპტიმისტური, მიმდინარე ეტაპზე ფასების ზრდა გარდაუვალია”, – ამბობს ნავთობპროდუქტების იმპორტიორთა კავშირის თავმჯდომარე ვანო მთვრალაშვილი. მოსახლეობის განმარტებით, საწვავის კიდევ უფრო გაძვირების შემთხვევაში, მძიმე სოციალური ფონი კიდევ უფრო გაუარესდება.
კომენტარები