მთავარიახალი ამბებიპოლიტიკა

“სრულ მხარდაჭერას ვუცხადებ ყველა მოსამართლეს, მაქსიმუმს გავაკეთებთ, რათა დავიცვათ სასამართლოს დამოუკიდებლობა”

“სრულ მხარდაჭერას ვუცხადებ ყველა მოსამართლეს, მაქსიმუმს გავაკეთებთ, რათა დავიცვათ სასამართლოს დამოუკიდებლობა”

სასამართლო ჩვენი მმართველობის დროს გახდა დამოუკიდებელი და თავისუფალი ყოველგვარი ჩარევებისგან, – ამის შესახებ პრემიერ-მინისტრმა ირაკლი ღარიბაშვილმა უზენაეს სასამართლოში იუსტიციის უმაღლესი საბჭოს წევრებთან შეხვედრის შემდეგ განაცხადა.

“მინდა, ვუთხრა საზოგადოებას, რომ მე მქონდა შეხვედრა ნინო ქადაგიძესთან, მოსამართლეებთან, იუსტიციის უმაღლესი საბჭოს წევრებთან. ჩემი მთავარი გზავნილი იყო და არის შემდეგ. როგორც მთავრობის მეთაური და მმართველი პარტიის წარმომადგენელი სრულ მხარდაჭერას ვუცხადებ ყველა მოსამართლეს, სასამართლო ჩვენი მმართველობის დროს გახდა დამოუკიდებელი, თავისუფალი ყოველგვარი ჩარევებისგან, როგორც შიდა, ასევე სხვა ქვეყნების მხრიდან ჩარევებისგან. რა თქმა უნდა, მიუღებელია ყოველგვარი ჩარევა ან რაიმე გავლენის მოხდენა მოსამართლეებზე. ეს არის აბსოლუტურად მიუღებელი ჩვენთვის ყველასთვის, მით უმეტეს, სუვერენული ქვეყნის სუვერენულ სასამართლოზე და მოსამართლეებზე. მე ასევე დავუდასტურე პატივცემულ მოსამართლეებს ჩვენი სრული მხარდაჭერა.

ჩვენ მაქსიმუმს გავაკეთებთ, რათა დავიცვათ სასამართლოს დამოუკიდებლობა, სასამართლოს თავისუფლება, ყოველგვარი ჩარევებისგან, ზეწოლისგან. ეს არის ჩვენი გაცხადებული პოლიტიკა და მთავარი მიზანი, რომლისკენაც ჩვენ, მას შემდეგ, რაც ჩვენი გუნდი მოვიდა ხელისუფლებაში ვისწრაფვით“, – განაცხადა ირაკლი ღარიბაშვილმა.

კომენტარები