სამ თვეში საჯარო უწყებებმა სარესტორნო მომსახურებაში 405 ათასი ლარი დახარჯეს.
ხალხის ფულით, მუნიციპალიტეტის პირველი პირები სტუმრებს რესტორანში ეპატიჟებიან.
“ჭიათურის მერიამ “საპატიო ჭიათურელების” დაჯილდოვებაზე მოსული 100 სტუმარი 13,000-ლარიან სუფრაზე მიიწვია. ფეხბურთელ ზურაბ წერეთლის მემორიალური დაფის გახსნა კი 15-კაციანი სუფრით აღნიშნეს და რესტორანში 1,100 ლარი დახარჯეს. მაგიდაზე არც მწყერი აკლდათ და არც კურდღელი”, – აცხადებენ “აი ფაქტის” მკვლევარები.
ამ ფონზე ჭიათურის მუნიციპალიტეტის სოფელ ითხვისში ყოველდღე უფრო მეტი ადგილობრივი რჩება უსახლკაროდ. ამ დროისთვის დანგრეული ან დაზიანებული და საცხოვრებლად უვარგისია 30-მდე სახლი. ადგილობრივები ჭიათურის მერიას დახმარებას სთხოვენ.
კომენტარები