სამტრედიაში, საჯავახოს ტერიტორიაზე მასშტაბური ავტოსაგზაო შემთხვევა მოხდა.
როგორც "ინფო იმერეთს" თვითმხილველებმა განუცხადეს, ერთმანეთს 3 სატვირთო შეეჯახა. დაშავებულია ერთ-ერთი მძღოლი.
"ინფო იმერეთის" ინფორმაციით, ორი თურქული სანომრე ნიშნის ქვეშ არის, მესამეს ქართული ნომრები აქვს.
ადგილზე მობილიზებულია პოლიცია.
არსებული ინფორმაციით, შემთხვევას მსხვერპლი არ მოჰყოლია.
"ინფო იმერეთს" შსს-ში განუცხადეს, რომ მომხდარზე გამოძიება 276-ე მუხლით დაიწყო.
