ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

sinatle media

ახალგაზრდას, რომელმაც პოლიციის განყოფილებაში მომხდარი ძალადობის კადრები გაასაჯაროვა, ქუთაისის სასამართლომ 17-წლიანი პატიმრობა შეუფარდა

კრიმინალი და სამართალი
020 სექ 2026
ტექსტის ზომა

ახალგაზრდას, რომელმაც პოლიციის განყოფილებაში მომხდარი ძალადობის კადრები მოიპოვა და გაასაჯაროვა, ქუთაისის სასამართლომ 17-წლიანი პატიმრობა შეუფარდა.

საქმე ეხება "ტვ პირველის" ეთერში გასულ ვიდეოკადრებს, სადაც ჩანს, რომ დაკავებულებს პოლიციის განყოფილებაში შინაგან საქმეთა სამინისტროს თანამშრომლები ჯგუფურად სცემენ, ღირსებას ულახავენ და შეურაცხყოფას აყენებენ.

განაჩენი მხარეებს ჯერ არ ჩაბარებიათ, ამიტომ უცნობია, რას დაეყრდნო მოსამართლე, როდესაც ახალგაზრდა მამაკაცს მაქსიმალური განაჩენი გამოუტანა.

გასამართლებული აიტი სპეციალისტის ოჯახი დარწმუნებულია, რომ 32 წლის მამაკაცი "ქართული ოცნების" მხილებისთვის დაისაჯა. მათი მტკიცებით, ახალგაზრდას ნარკოტიკი ჩაუდეს.

"გამოუტანეს 17 წელი, დავიღუპე, დაქცეული ვარ, არც სახლი მაქვს არაფერი, ქუჩაში, ნაქირავებში ვარ, რას მერჩოდნენ? ამ კადრების გულისთვის? დედაშენს იმაზე უარესს ვუზამთ, რაც მაგ კადრებშიაო. მე ხომ გავამჟღავნე. სიგარეტებს რომ აწვავენ ახალგაზრდა ბიჭებს, აშიშვლებენ - სასწაული კადრებია იქ. მაგრამ ის ხუთი კადრი, რომელიც გავრცელდა, მე მქონდა ტელეფონში. მოსამართლემ მაგისთანა კადრები თუ გაქვთ, თბილისში წაიღეო. გმადლობთ-თქო ვუთხარი, ასე მოვიქცევი-თქო", - აცხადებს "ტვ პირველებთან" საუბარში დაკავებული აიტის სპეციალისტის დედა.

ადვოკატი და ოჯახი აცხადებენ, რომ გადაწყვეტილებას სააპელაციო სასამართლოში გაასაჩივრებენ.

გიორგი კვიცარიძე ის აიტი სპეციალისტია, რომელმაც პოლიციის შიდა მიმოწერის სისტემაში შეაღწია და პოლიციაში მოქალაქეების სასტიკი ცემის კადრები საჯაროზე გამოიტანა.

გააზიარე

კომენტარი

ტოპ სიახლეები

დღის სიახლეები

მეტის ნახვა
2

23 ნოემბერს მოსალოდნელი ამინდი იმერეთში - პროგნოზი ქალაქების მიხედვით

1

ქუთაისში, კორპუსის სადარბაზოში, სადაც აფეთქება მოხდა, შესვლა კვლავ აკრძალულია - დაზარალებული 56 მოქალაქე კი სასტუმროშია გადაყვანილი

0

ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

1

ქუთაისში აფეთქების შედეგად დაშავებული 74 წლის ქალი კლინიკაში რჩება

1

"ქუთაისში, საცხოვრებელ სახლში, სადაც აფეთქება მოხდა, ოქტომბერში ქსელიდან ჩაიხსნა და დაილუქა წყლის გამაცხელებელი არასწორი მონტაჟის გამო"

5

"ჯერჯერობით არ შემიძლია, ვთქვა როგორი იქნება მისი ჯანმრთელობის მდგომარეობა" - ექიმი აფეთქების შედეგად დაშავებულ 74 წლის ქალბატონზე

4

დავით ერემეიშვილი - ვფიქრობთ, რომ 15 ოჯახი იქნება გასაყვანი

2

ქუთაისში, ავტოქარხნის დასახლებაში აფეთქება მოხდა - დაშავდა ერთი ადამიანი