ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

sinatle media

ბაღდათში საარსებო შემწეობის მიმღებთა რიცხვი 37.9%-ით შემცირდა

ბაღდათი
17 ნოე 2026
ტექსტის ზომა

2026 წლის იანვრიდან სექტემბრამდე პერიოდში იმერეთის რეგიონში საარსებო შემწეობის მიმღებთა რაოდენობა 27.1 პროცენტით შემცირდა, რაც 44 000-ზე მეტ ადამიანს შეადგენს.

განსაკუთრებით მკვეთრი კლება დაფიქსირდა ბაღდათის მუნიციპალიტეტში, სადაც ბენეფიციართა რიცხვმა 37.9 პროცენტით იკლო.

"სოციალური სამართლიანობის ცენტრის“ ინფორმაციით, ქვეყნის მასშტაბით საარსებო შემწეობის მიმღებთა რაოდენობა სულ 23 პროცენტით (163 111 ადამიანით) არის შემცირებული. შესაბამისად, იმერეთსა და განსაკუთრებით ბაღდათში დაფიქსირებული მაჩვენებელი სრულიად საქართველოს საშუალო მონაცემს მნიშვნელოვნად აღემატება.

ორგანიზაციის განცხადებით, ეს დრამატული ცვლილება ორ ძირითად მიზეზს უკავშირდება:

საზოგადოებრივ სამუშაოებზე დასაქმების პროგრამის გაუქმება, რომლითაც მოქალაქეებს გარანტირებული სტატუსი უნარჩუნდებოდათ;

სოციალურად დაუცველთა მასობრივი ხელახალი გადამოწმება.

„სოციალური სამართლიანობის ცენტრში“ აცხადებენ, რომ შემწეობის შეწყვეტა რეალურად სიღარიბის დაძლევას არ ნიშნავს. არსებული მეთოდოლოგიის ხარვეზებისა და გასაჩივრების სირთულის გამო, მაღალია რისკი, რომ ათასობით მძიმე მდგომარეობაში მყოფი ოჯახი საბაზისო დახმარებისა და თანმდევი სოციალური შეღავათების მიღმა დარჩეს.

უფლებადამცველები სახელმწიფოს მოუწოდებენ, დროულად გამოაქვეყნოს დეტალური მონაცემები სისტემიდან გასული ოჯახების მდგომარეობის შესახებ, შეაფასოს მიღებული გადაწყვეტილების გავლენა მოწყვლად ჯგუფებზე და საზოგადოებას დასაქმების რეალური ალტერნატიული გეგმა წარუდგინოს.

გააზიარე

კომენტარი

ტოპ სიახლეები

დღის სიახლეები

მეტის ნახვა
2

23 ნოემბერს მოსალოდნელი ამინდი იმერეთში - პროგნოზი ქალაქების მიხედვით

1

ქუთაისში, კორპუსის სადარბაზოში, სადაც აფეთქება მოხდა, შესვლა კვლავ აკრძალულია - დაზარალებული 56 მოქალაქე კი სასტუმროშია გადაყვანილი

0

ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

1

ქუთაისში აფეთქების შედეგად დაშავებული 74 წლის ქალი კლინიკაში რჩება

1

"ქუთაისში, საცხოვრებელ სახლში, სადაც აფეთქება მოხდა, ოქტომბერში ქსელიდან ჩაიხსნა და დაილუქა წყლის გამაცხელებელი არასწორი მონტაჟის გამო"

5

"ჯერჯერობით არ შემიძლია, ვთქვა როგორი იქნება მისი ჯანმრთელობის მდგომარეობა" - ექიმი აფეთქების შედეგად დაშავებულ 74 წლის ქალბატონზე

3

დავით ერემეიშვილი - ვფიქრობთ, რომ 15 ოჯახი იქნება გასაყვანი

2

ქუთაისში, ავტოქარხნის დასახლებაში აფეთქება მოხდა - დაშავდა ერთი ადამიანი