ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

sinatle media

ქუთაისის საკრებულოს წევრი ელეონორა არჩაია მოქალაქეებთან შეხვედრების შედეგებს აჯამებს

ქუთაისი
22 ნოე 2026
ტექსტის ზომა

ქუთაისის  საკრებულოს წევრი პარტიიდან „გახარია საქართველოსთვის“ ელეონორა არჩაია, საზოგადოებას 2017 წლიდან დღემდე გაწეული საქმიანობის ანგარიშს აცნობს. როგორც დეპუტატი აღნიშნავს, ბოლო წლებში მან ანგარიშწარდგენის განსხვავებული ფორმატი აირჩია და ამომრჩევლებს პირადად ხვდება - სახლში, სამსახურში, სკვერებსა თუ ქუჩებში, განურჩევლად მათი პოლიტიკური შეხედულებებისა.

ელეონორა არჩაიას თქმით, მისი საქმიანობა არ შემოიფარგლება მხოლოდ სხდომებზე რეგულარული დასწრებით და გაცდენების მინიმალური მაჩვენებლით. ის ყოველდღიურად ხვდება ქუთაისელებს, ადგილზე ეცნობა არსებულ გამოწვევებს და აქტიურად მონაწილეობს პრობლემების გადაჭრის გზების ძიებაში.

ძირითადი ინიციატივები და მიღწეული შედეგები:

საზოგადოებრივი ტრანსპორტი: დეპუტატის ინიციატივითა და აქტიური მოთხოვნით, მუნიციპალიტეტმა ავტოპარკის განახლებისთვის დამატებით 10 მილიონი ლარი გამოყო. დაგეგმილია ახალი ავტობუსებისა და მიკროავტობუსების შეძენა, ამოქმედდა მობილური აპლიკაცია, რეალურ დროში მონიტორინგი, ხმოვანი და ვიზუალური გამოცხადების სისტემები.

შშმ ქალთა ჯანდაცვა: ჯანდაცვისა და სოციალურ საკითხთა კომისიასთან თანამშრომლობით, მიღწეულია შეთანხმება შეზღუდული შესაძლებლობის მქონე ქალებისა და გოგონებისთვის ადაპტირებული გინეკოლოგიური სავარძლის შეძენაზე, რომელიც ქუთაისის №4 პოლიკლინიკაში განთავსდება (გამოცხადებულია შესაბამისი ტენდერი).

ინფრასტრუქტურა და უსაფრთხოება: ელეონორა არჩაია აქტიურად აყენებს საპარკინგე სივრცეების დეფიციტის, ქვეითთა უსაფრთხოების (ბოლარდები, ზებრა გადასასვლელები), სადისტრიბუციო ავტომობილების პარკირების, სანიაღვრე და საკანალიზაციო სისტემების რეაბილიტაციის საკითხებს.

საგანმანათლებლო და სოციალური პროექტები: ყურადღების ცენტრშია ქუთაისის №4 და №7 საჯარო სკოლების გაჭიანურებული სარეაბილიტაციო სამუშაოები, ზურაბ ჭავჭავაძის ქუჩაზე მდებარე დაუხურავი საბავშვო ბაღი, მოსწავლე ახალგაზრდობის სასახლისთვის ახალი სივრცის გამოყოფის აუცილებლობა, ნიკეას ნაგავსაყრელის ეკოლოგიური პრობლემები და სოციალურად მოწყვლადი ჯგუფების მხარდაჭერა.

„მჯერა, რომ საკრებულოს წევრის მთავარი პასუხისმგებლობა მოქალაქეების ინტერესების ყოველდღიური დაცვაა. სწორედ ამიტომ, მომავალშიც გავაგრძელებ ქუთაისელებთან აქტიურ კომუნიკაციას და ქალაქისთვის მნიშვნელოვანი ინიციატივების განხორციელებას“, - აცხადებს ელეონორა არჩაია.

გააზიარე

კომენტარი

ტოპ სიახლეები

დღის სიახლეები

მეტის ნახვა
2

23 ნოემბერს მოსალოდნელი ამინდი იმერეთში - პროგნოზი ქალაქების მიხედვით

1

ქუთაისში, კორპუსის სადარბაზოში, სადაც აფეთქება მოხდა, შესვლა კვლავ აკრძალულია - დაზარალებული 56 მოქალაქე კი სასტუმროშია გადაყვანილი

0

ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

1

ქუთაისში აფეთქების შედეგად დაშავებული 74 წლის ქალი კლინიკაში რჩება

1

"ქუთაისში, საცხოვრებელ სახლში, სადაც აფეთქება მოხდა, ოქტომბერში ქსელიდან ჩაიხსნა და დაილუქა წყლის გამაცხელებელი არასწორი მონტაჟის გამო"

5

"ჯერჯერობით არ შემიძლია, ვთქვა როგორი იქნება მისი ჯანმრთელობის მდგომარეობა" - ექიმი აფეთქების შედეგად დაშავებულ 74 წლის ქალბატონზე

3

დავით ერემეიშვილი - ვფიქრობთ, რომ 15 ოჯახი იქნება გასაყვანი

2

ქუთაისში, ავტოქარხნის დასახლებაში აფეთქება მოხდა - დაშავდა ერთი ადამიანი