ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

sinatle media

"სიცოცხლის ბოლომდე ვიბრძოლებთ სოფლის გადასარჩენად", - ჭიათურის სოფელ შუქრუთში მცხოვრებლებმა ფიცი დადეს

ჭიათურა
09 სექ 2026
ტექსტის ზომა

ჭიათურის მუნიციპალიტეტის სოფელ შუქრუთის მოსახლეობამ ადგილობრივი წმინდა გიორგის სალოცავის წინაშე დაიფიცა, რომ სოფლის გადასარჩენად ბოლომდე იბრძოლებს და გადასახლებას არ დათანხმდება.

ადგილობრივების პროტესტისა და ერთსულოვანი გადაწყვეტილების მიზეზი შპს „ჯორჯიან მანგანეზის“ ლოჯისტიკური კომპანიის (სმს) ხელმძღვანელის მიხაილ სოცკის განცხადება გახდა, რომელმაც 2026 წლის ივლისში სოფლიდან მოსახლეობის გადასახლება გამოაცხადა.

ამ გადაწყვეტილებას 22 აგვისტოს გამართულ სოფლის ყრილობაზე შუქრუთის მცხოვრებთა აბსოლუტურმა უმრავლესობამ უპასუხა და ერთობლივი განცხადება შეიმუშავა, რომელიც პრემიერ-მინისტრ ირაკლი კობახიძეს, იმერეთის სახელმწიფო რწმუნებულს, ჭიათურის მერს, საკრებულოს თავმჯდომარესა და „ჯორჯიან მანგანეზის“ სპეციალურ მმართველს გადაეგზავნა.

განცხადებაში მოსახლეობა კატეგორიულად ეწინააღმდეგება სოფლიდან აყრასა და გადასახლებას. ამასთან, კომპენსაციამიღებული ოჯახები სრულ მხარდაჭერას უცხადებენ მათ, ვისაც ზარალი დღემდე არ აუნაზღაურდა და სახელმწიფოსგან მათი პრობლემის დაუყოვნებლივ მოგვარებას ითხოვენ. ადგილობრივები ასევე მოითხოვენ სასწრაფოდ შეწყდეს ღია კარიერული წესით მანგანუმის მოპოვების მცდელობა და სახელმწიფო გახდეს იმის გარანტი, რომ მოხდება მიწისქვეშა გამომუშავებული ველების გადამაგრება, რათა მოსახლეობამ უსაფრთხოდ ცხოვრება შეძლოს.

პრობლემები სოფელში განსაკუთრებით 2017 წლიდან გამწვავდა, მას შემდეგ, რაც კომპანიაში სახელმწიფოს მხრიდან სპეციალური მმართველი დაინიშნა. შუქრუთში ხელახლა გაიხსნა დახურული მიწისქვეშა უბნები და წიაღისეულის მოპოვება ისეთი გვირაბებიდან დაიწყო, რომლებიც სოფლის ე.წ. „საყრდენს“ წარმოადგენდა. ამის შედეგად სოფლის ტერიტორიაზე გაჩნდა ნაპრალები, რამაც დააზიანა საცხოვრებელი სახლები, მიწის ნაკვეთები, სასაფლაო და ადგილობრივი ტაძარი.

2019 წლიდან დაწყებული პერმანენტული პროტესტის მიუხედავად, კომპანიის მიერ ზარალის ანაზღაურების პირობა სრულყოფილად დღემდე არ შესრულებულა. მოსახლეობა სრულ პასუხისმგებლობას აკისრებს სახელმწიფოსა და კომპანიის სპეციალურ მმართველს და აფრთხილებს შესაბამის უწყებებს, არ დაუშვან სოფლის ჩანგრევა მიწისქვეშა სამუშაოების გამო და შემდგომში ეს პროცესი მეწყერს ან სხვა მოგონილ მიზეზებს არ გადააბრალონ.

გააზიარე

კომენტარი

ტოპ სიახლეები

დღის სიახლეები

მეტის ნახვა
2

23 ნოემბერს მოსალოდნელი ამინდი იმერეთში - პროგნოზი ქალაქების მიხედვით

1

ქუთაისში, კორპუსის სადარბაზოში, სადაც აფეთქება მოხდა, შესვლა კვლავ აკრძალულია - დაზარალებული 56 მოქალაქე კი სასტუმროშია გადაყვანილი

0

ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

1

ქუთაისში აფეთქების შედეგად დაშავებული 74 წლის ქალი კლინიკაში რჩება

1

"ქუთაისში, საცხოვრებელ სახლში, სადაც აფეთქება მოხდა, ოქტომბერში ქსელიდან ჩაიხსნა და დაილუქა წყლის გამაცხელებელი არასწორი მონტაჟის გამო"

5

"ჯერჯერობით არ შემიძლია, ვთქვა როგორი იქნება მისი ჯანმრთელობის მდგომარეობა" - ექიმი აფეთქების შედეგად დაშავებულ 74 წლის ქალბატონზე

3

დავით ერემეიშვილი - ვფიქრობთ, რომ 15 ოჯახი იქნება გასაყვანი

2

ქუთაისში, ავტოქარხნის დასახლებაში აფეთქება მოხდა - დაშავდა ერთი ადამიანი