ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

sinatle media

ტენდერები, გამარტივებული შესყიდვები და 55 000 ლარი "ქართულ ოცნებას" - მერიისა და შპს "მშენებელი 2018"-ის სქემა ქუთაისში

ქუთაისი
130 ოქტ 2026
ტექსტის ზომა

შპს „მშენებელი 2018“-ის 100%-იანმა მფლობელმა, ჯუსტალი ისიანმა, 2026 წლის 3 აგვისტოს „ქართულ ოცნებას“ 55 000 ლარი შესწირა. ეს პარტიისთვის მისი პირველი შემოწირულება იყო, თუმცა ამ ნაბიჯს წინ უძღოდა ქუთაისის მერიისგან მიღებული მსხვილი სახელმწიფო შეკვეთები და პრივილეგიები, - ამის შესახებ „საერთაშორისო გამჭვირვალობა საქართველოს“ კვლევიდან ხდება ცნობილი.

მოგებული ტენდერი კონკურენციის გარეშე

პარტიულ შემოწირულებამდე რამდენიმე კვირით ადრე, 2026 წლის 8 ივნისს, ქუთაისის მერიამ ისიანის კომპანიასთან, შპს „მშენებელი 2018“-თან, ფურცელაძის ქუჩაზე სანიაღვრე არხის რეაბილიტაციაზე 465 000 ლარის ღირებულების ხელშეკრულება გააფორმა (NAT260009000). აღსანიშნავია, რომ აღნიშნულ ტენდერში ისიანის კომპანია ერთადერთი პრეტენდენტი იყო.

როგორ შეგროვდა გამოცდილების კრიტერიუმი?

ტენდერის პირობების თანახმად, პრეტენდენტს 2023 წლის 1 იანვრიდან ტენდერის გამოცხადებამდე შესრულებული უნდა ჰქონოდა მინიმუმ 1.4 მილიონი ლარის ანალოგიური სამუშაოები. „მშენებელი 2018“-მა ეს მოთხოვნა ქუთაისის მერიის მიერვე სხვა კომპანიებთან გაფორმებული სამი ხელშეკრულებით დააკმაყოფილა (NAT230027607, NAT250000055, NAT250004021), სადაც ისიანის კომპანია 2024–2025 წლებში ქვეკონტრაქტორის სტატუსით მონაწილეობდა.

სამივე შემთხვევაში მერიამ თავად გასცა თანხმობა „მშენებელი 2018“-ის ქვეკონტრაქტორად აყვანაზე. ამასთან, სამიდან ორ ტენდერში მხოლოდ ერთი პრეტენდენტი მონაწილეობდა.

ასობით ათასი ლარი ტენდერის გარეშე

არასამთავრობო ორგანიზაციის ინფორმაციით, გარდა ტენდერებისა, ქუთაისის მერიას ისიანის კომპანიისთვის შესყიდვები პირდაპირი წესით, ტენდერის გარეშეც აქვს გადაცემული. 2022–2024 წლებში მერიამ „მშენებელი 2018“-თან გამარტივებული შესყიდვის 6 კონტრაქტი გააფორმა, რომელთა ჯამურმა ღირებულებამ 423 468 ლარი შეადგინა.

სახელმწიფო შესყიდვების ერთიანი ელექტრონული სისტემის მონაცემებით, აქედან 5 კონტრაქტის (419 786 ლარი) საფუძვლად მერიამ „გადაუდებელი აუცილებლობა“ ან „სახელმწიფოებრივი და საზოგადოებრივი მნიშვნელობის ღონისძიება“ მიუთითა.

ლიცენზია მდინარე რიონზე

სახელმწიფო შესყიდვების პარალელურად, 2026 წლის 17 ივნისს „მშენებელი 2018“-მა მდინარე რიონზე ქვიშა-ხრეშის მოპოვების ლიცენზიაც მოიპოვა, რომელიც მანამდე, 29 მაისს, უკონკურენტო ელექტრონულ აუქციონზე მოიგო.

გააზიარე

კომენტარი

ტოპ სიახლეები

დღის სიახლეები

მეტის ნახვა
2

23 ნოემბერს მოსალოდნელი ამინდი იმერეთში - პროგნოზი ქალაქების მიხედვით

1

ქუთაისში, კორპუსის სადარბაზოში, სადაც აფეთქება მოხდა, შესვლა კვლავ აკრძალულია - დაზარალებული 56 მოქალაქე კი სასტუმროშია გადაყვანილი

0

ქუთაისსა და იმერეთის კიდევ 7 მუნიციპალიტეტს ბუნებრივი აირის მიწოდება რამდენიმე დღით შეუწყდება

1

ქუთაისში აფეთქების შედეგად დაშავებული 74 წლის ქალი კლინიკაში რჩება

1

"ქუთაისში, საცხოვრებელ სახლში, სადაც აფეთქება მოხდა, ოქტომბერში ქსელიდან ჩაიხსნა და დაილუქა წყლის გამაცხელებელი არასწორი მონტაჟის გამო"

5

"ჯერჯერობით არ შემიძლია, ვთქვა როგორი იქნება მისი ჯანმრთელობის მდგომარეობა" - ექიმი აფეთქების შედეგად დაშავებულ 74 წლის ქალბატონზე

3

დავით ერემეიშვილი - ვფიქრობთ, რომ 15 ოჯახი იქნება გასაყვანი

2

ქუთაისში, ავტოქარხნის დასახლებაში აფეთქება მოხდა - დაშავდა ერთი ადამიანი