ზესტაფონელი სპორტსმენი მინდია ლილუაშვილი ვეტერანთა შორის ძიუდოში მსოფლიო ჩემპიონი გახდა.
მან ეს ბრწყინვალე გამარჯვება ბოსნია-ჰერცეგოვინის დედაქალაქ სარაევოში მიმდინარე ვეტერან ძიუდოისტთა მსოფლიო ჩემპიონატზე მოიპოვა.
ლილუაშვილმა ოქროს მედალი აიღო M2 კატეგორიაში, -73 კგ წონით დონეზე, სადაც ფინალურ შეხვედრაში კიდევ ერთ ქართველ ფალავანს ლევან ჩუბინიძეს სძლია.
მინდია ლილუაშვილს ვეტერანთა ძიუდოში ევროპის ჩემპიონის ტიტულიც აქვს მოპოვებული.
