მთავრობამ 2026 წლის ბიუჯეტიდან სტიქიის შედეგების ლიკვიდაციისთვის გამოსაყოფი თანხის მოცულობა კიდევ 2 050 000 ლარით 43 256 650 ლარამდე, მუნიციპალიტეტების ჩამონათვალი კი 25-მდე გაიზარდა.
ირაკლი კობახიძის ხელმოწერილი 7 მაისით დათარიღებული დოკუმენტით ცვლილება 29 იანვრის 222-ე განკარგულებაში შევიდა. დოკუმენტში აღნიშნული არ არის კონკრეტულად რომელი სტიქიის შედეგების ლიკვიდაციას მოხმარდება ფინანსური რესურსი.
თებერვლის შემდეგ სტიქიის შედეგების ლიკვიდაციის თანხა და მუნიციპალიტეტების რაოდენობა 5-ჯერ დაკორექტირდა.
ახალი განკარგულების მიხედვით, 43.2 მლნ ლარი 25 მუნიციპალიტეტზე გადანაწილდება და ყველაზე მეტ თანხას ამ დროისთვის ლანჩხუთის მუნიციპალიტეტი მიიღებს. მუნიციპალიტეტების ჩამონათვალი ასეთია:
ა) ბაღდათის მუნიციპალიტეტი - 2.4 მლნ ლარი;
ბ) სამტრედიის მუნიციპალიტეტი - 125 ათასი ლარი;
გ) ლანჩხუთის მუნიციპალიტეტი - 8 მლნ ლარი;
დ) ოზურგეთის მუნიციპალიტეტი - 6.8 მლნ ლარი;
ე) ლაგოდეხის მუნიციპალიტეტი - 4.8 მლნ ლარი;
ვ) ცაგერის მუნიციპალიტეტი - 2 მლნ ლარი;
ზ) ზუგდიდის მუნიციპალიტეტი - 2.4 მლნ ლარი;
თ) ქუთაისის მუნიციპალიტეტი - 1.3 მლნ ლარი;
ი) საჩხერის მუნიციპალიტეტი - 2.8 მლნ ლარი;
კ) ამბროლაურის მუნიციპალიტეტი - 1.4 მლნ ლარი;
ლ) ხაშურის მუნიციპალიტეტი - 270 ათასი ლარი;
მ) ჭიათურის მუნიციპალიტეტი - 452 ათასი ლარი;
ნ) ზესტაფონის მუნიციპალიტეტი - 415 ათასი ლარი;
ო) ახალციხის მუნიციპალიტეტი - 230 ათასი ლარი;
პ) ლენტეხის მუნიციპალიტეტი - 950 ათასი ლარი;
ჟ) ხარაგაულის მუნიციპალიტეტი - 515 ათასი ლარი;
რ) ყვარლის მუნიციპალიტეტი - 2.1 მლნ ლარი;
ს) ჩოხატაურის მუნიციპალიტეტი - 500 ათასი ლარი;
ტ) მესტიის მუნიციპალიტეტი - 305 ათასი ლარი;
უ) მარტვილის მუნიციპალიტეტი - 259 ათასი ლარი;
ფ) სენაკის მუნიციპალიტეტი - 1.4 მლნ ლარი;
ქ) მცხეთის მუნიციპალიტეტი - 1.2 მლნ ლარი;
ღ) დუშეთის მუნიციპალიტეტი - 435 ათასი ლარი;
ყ) წალენჯიხის მუნიციპალიტეტი - 780 ათასი ლარი;
შ) თიანეთის მუნიციპალიტეტი - 1.2 მლნ ლარი;
ამასთან, 29 იანვრის განკარგულების მიხედვით, სტიქიების შედეგების ლიკვიდაციისთვის გამოყოფილი თანხებიდან, მორჩენილი ეკონომია სხვა სტიქიური მოვლენების შედეგების სალიკვიდაციო სამუშაოებზე უნდა დახარჯონ.
