იმერეთის პოლიციამ დიდი ოდენობით ნარკოტიკული საშუალების უკანონო შეძენა-შენახვისა, რეალიზაციისა და საბრძოლო მასალის მართლსაწინააღმდეგო შეძენა-შენახვის ბრალდებით 1992 წელს დაბადებული ჯ.დ. დააკავეს.
შსს-ს ინფორმაციით, სამართალდამცველების მიერ, მოსამართლის განჩინების საფუძველზე, ინტენსიურ რეჟიმში ჩატარებული საგამოძიებო მოქმედებების შედეგად, მათ შორის განხორციელებული ფარული აუდიო-ვიდეო ჩანაწერებით დგინდება, რომ ჯ.დ. ნარკოტიკულ საშუალება „მეთადონის“ რეალიზაციას ახდენდა.
პოლიციამ ჯ.დ.-ს მიერ უკანონოდ გაყიდული ნარკოტიკული საშუალება ნივთმტკიცებად ამოიღო, ასევე საცხოვრებელი სახლის ჩხრეკის შედეგად ამოღებულია საბრძოლო ვაზნები.
გამოძიება სისხლის სამართლის კოდექსის 260-ე, 260-ე ტერცია და 236-ე მუხლებით მიმდინარეობს, რაც თავისუფლების 20 წლამდე ან უვადო აღკვეთას ითვალისწინებს.
