ქალთა ფონდი „სოხუმი“ აქტიურად აგრძელებს ქალთა ურთიერთდახმარების ჯგუფების მუშაობას დასავლეთ საქართველოს სხვადასხვა მუნიციპალიტეტში. ინიციატივა მიზნად ისახავს ქალების ფსიქოსოციალურ მხარდაჭერას, უსაფრთხოების გაძლიერებასა და ეკონომიკური შესაძლებლობების შექმნას.
პროექტის ფარგლებში ქალები მონაწილეობენ რეგულარულ შეხვედრებში, სადაც უსაფრთხო გარემოში საუბრობენ პირად გამოცდილებებზე და იღებენ ემოციურ მხარდაჭერას. პროექტი ასევე უზრუნველყოფს მცირე ინვენტარის გადაცემას (მიქსერები, საკერავი მანქანები, საოფისე ნივთები) ეკონომიკური საქმიანობის დასაწყებად. ციფრული ჩართულობის გასაძლიერებლად რამდენიმე მონაწილეს გადაეცა სმარტფონიც.
ინიციატივამ 2024–2025 წლებში უკვე განახორციელა დაახლოებით 240 შეხვედრა ათამდე მუნიციპალიტეტში, მათ შორის ქუთაისში, წყალტუბოში, თერჯოლაში, ვანში, ხობში, ზუგდიდში, წალენჯიხაში, ჩოხატაურსა და ქობულეთში. თითოეულ ჯგუფში საშუალოდ ყოველთვიურად 100 ქალი მონაწილეობს.
პროექტის მონაწილეთა თქმით, მხარდაჭერის ჯგუფები მათ აძლევს შესაძლებლობას გამოხატონ საკუთარი აზრი, იპოვონ ემოციური რესურსი და გახდნენ უფრო დამოუკიდებლები ყოველდღიურ ცხოვრებაში.
სრული სტატიის სანახავად ეწვიეთ ბლოგს - https://fsokhumi.blog/support
გვემეგობრე:
👉 www.fsokhumi.ge
👉 @wfsukhumi (Instagram, Tik Tok); WFSTbilisiOffice (Facebook)
