მწვრთნელმა ასე გადაწყვიტა ამ ევროპის ჩემპიონატზე და როგორც პროფესიონალი, მის ყველა გადაწყვეტილებას პატივს ვცემ. იმ რამდენიმე წუთისთვისაც, რაც ვითამაშე, ძალიან მადლობელი ვარ მისი, – ამის შესახებ საქართველოს ნაკრების ფეხბურთელმა ბუდუ ზივზივაძემ განაცხადა.
“პირველ რიგში, მადლობას გადავუხდი ვინც აქ იმყოფებოდა და ვინც საქართველოში იყო, იმიტომ, რომ ძალიან დიდი გულშემატკივრობა და მხარდაჭერა იგრძნობოდა მათგან. მათ გარეშე ამ შედეგის მიღწევა გაგვიჭირდებოდა. ვეტყვი, რომ იამაყონ ამ გუნდით, იმიტომ, რომ მართლაც საამაყო გუნდი გვყავს და ბედნიერი ვარ, რომ არ ისტორიის და გუნდის ნაწილი ვარ.
მწვრთნელი იღებს გადაწყვეტილებებს. რა თქმა უნდა, ყველა ფეხბურთელს სურს, რომ ბევრი ითამაშოს, მაგრამ მწვრთნელმა ასე გადაწყვიტა ამ ევროპის ჩემპიონატზე და როგორც პროფესიონალი, მის ყველა გადაწყვეტილებას პატივს ვცემ. იმ რამდენიმე წუთისთვისაც, რაც ვითამაშე, ძალიან მადლობელი ვარ მისი.
ძალიან დიდი გამოცდილება იყო. კიდევ უფრო გაიზრდება ნაკრები ამ ევროპის ჩემპიონატის შემდეგ და მომავლისთვის დაგვეხმარება, რომ კიდევ უფრო მეტ წარმატებას მივაღწიოთ”, – განაცხადა ბუდუ ზივზივაძე.
კომენტარები