ქუთაისში, გელათის ქუჩა ანტისანიტარიის კერად იქცა. აღნიშნულ ქუჩაზე ყოველდღიურად ასობით ტურისტი გადაადგილდება, რადგან ის გელათისა და მოწამეთის მონასტრებამდე მისასვლელი მთავარი ქუჩაა.
ადგილობრივების განმარტებით, პერიმეტრი ნარჩენებით არის დაბინძურებული, სანაგვე ურნებთან კი უმეთვალყურეოდ დარჩენილი პირუტყვი და მღრღნელები ბინადრობენ.
როგორც ადგილობრივები აცხადებენ, ის ქუჩა, რომელიც ყველა ტურისტმა უნდა გაიაროს და ქალაქზე გარკვეული წარმოდგენა უნდა შეექმნას, ანტისანიტარიის ბუდედ არის ქცეული.
კომენტარები