საპარლამენტო არჩევნებში ხმის მიცემა დასრულდა

საქართველოში საპარლამენტო არჩევნები დასრულდა. საარჩევნო უბნები 20:00 საათზე დაიხურა.

26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენდა.

26 ოქტომბრის არჩევნებისთვის რეგისტრირებულია 18 საარჩევნო სუბიექტი:

„საქართველოს ერთობისა და განვითარების პარტია“ – კამალ მურადხანოვი – N3; „კოალიცია ცვლილებისთვის გვარამია, მელია, გირჩი, დროა“, თავმჯდომარე ნიკანორ მელია, თანათავმჯდომარე ნიკა გვარამია – N4; „ერთიანობა – ნაციონალური მოძრაობა“, თავმჯდომარე თინათინ ბოკუჩავა – N5; „ევროპელი დემოკრატები“, თავმჯდომარე პაატა დავითაია – N6; „საქართველოს პატრიოტთა ალიანსი“, თავმჯდომარე დავით თარხან-მოურავი – N8; „ძლიერი საქართველო – ლელო, ხალხისთვის, თავისუფლებისთვის“, თავმჯდომარე მამუკა ხაზარაძე – N9; „საქართველოს ლეიბორისტული პარტია“, თავმჯდომარე შალვა ნათელაშვილი – N10; „ჩვენი გაერთიანებული საქართველო“, თავმჯდომარე ისაკი გიორგაძე – N12; „შეცვალე საქართველო“, თავმჯდომარე გიორგი გაგნიძე – N16; „საქართველო“, თავმჯდომარე გიორგი ლილუაშვილი – N17; „თავისუფალი საქართველო“, თავმჯდომარე კახა კუკავა – N20; „ტრიბუნა“, თავმჯდომარე დავით ჭიჭინაძე – N21; „ჩვენ“, დავით ქაცარავა – N23; „გახარია საქართველოსთვის“, თავმჯდომარე გიორგი გახარია – N25; „მემარცხენე ალიანსი“, თავმჯდომარე კონსტანტინე გუგუშვილი – N26; „ქართველთა ერთობა“, გაიოზ მამალაძე – N27; „გირჩი“, თავმჯდომარე იაგო ხვიჩია – N36; „ქართული ოცნება“, თავმჯდომარე ირაკლი ღარიბაშვილი – N41.

საპარლამენტო არჩევნების პირველად შედეგებზე ცესკოს მონაცემები უახლოეს საათებში გახდება ცნობილი.