ტყიბულის შახტაში სამუშაო პროცესი დროებით შეწყდა. ამის შესახებ გადაწყვეტილება მას შემდეგ იქნა მიღებული, რაც ჯანდაცვის სამინისტროს შრომის ინსპექციამ, შახტების რამდენიმე დღით მუშაობის შეჩერების რეკომენდია გასცა.
როგორც ირკვევა პირველადი შეფასებით, შახტში სამუშაოები უსაფრთხოების წესების დარღვევით მიმდინარეობდა, კონკრეტულად, ჰაერში მეთანის კონცენტრაცია დასაშვებ ნორმას აჭარბებდა, საამფეთქებლო სამუშაოები კი ტექნიკური ხელმძღვანელის ზედამხედველობის გარეშე მიმდინარეობდა.
“ჩვენს ინტერესშია დადგინდეს მომხდარის ობიექტური მიზეზები. საქმეში ჩართულია საგამოძიებო ორგანოები, მათ შორის, პროკურატურა. ასევე, გამოძიებასთან ითანამშრომლებენ თავად მეშახტეებიც. სამ დღეში გვექნება პრესკონფერენცია, სადაც დეტალურად გვეცოდინება რა მოხდა”, – განაცხადა “საქნახშირის” დირექტორთა საბჭოს თავმჯდომარემ მიხაილ სოცკიმ.
ტყიბულის შატხაში წუხელ მომხდარი აფეთქების შედეგად ერთი ადამიანი დაიღუპა, 8 კი დაშავდა, მათგან სამის მდგომარეობა შედარებით მძიმეა.
კომენტარები