ქუთაისში, 26 ოქტომბრის საპარლამენტო არჩევნებისთვის 152 506 ამომრჩეველია რეგისტრირებული.
როგორც ქუთაისის საოლქო საარჩევნო კომისიის თავმჯდომარემ ლარინა ლალიაშვილმა “ინფო იმერეთს” განუცხადა, მუნიციპალიტეტის მასშტაბით 72 საარჩევნო უბანი იმოქმედებს, აქედან ერთი სპეცუბანია.
“71 უბანი ელექტრონული იქნება, 72-ე უბანი კი ქუთაისის პენიტენციურ დაწესებულებაში გაიხსნება და იქ არჩევნები ტრადიციული მეთოდით ჩატარდება. გვყავს 152 506 ამომრჩეველი”, – განუცხადა “ინფო იმერეთს” ლარინა ლალიაშვილმა.
იმერეთის ახალი ამბების სააგენტო “ინფო იმერეთი” არჩევნებამდე ყოველდღე რეგიონის 12-ვე მუნიციპალიტეტზე გიამბობთ და მოგიყვებით, სად რამდენი ამომრჩეველია და როგორი წესით ჩატარდება არჩევნები.
კომენტარები