ტყიბულში, 26 ოქტომბრის საპარლამენტო არჩევნებისთვის 20 020 ამომრჩეველია რეგისტრირებული.
როგორც ტყიბულის საოლქო საარჩევნო კომისიის თავმჯდომარემ ნატო კენჭოშვილმა “ინფო იმერეთს” განუცხადა, მუნიციპალიტეტის მასშტაბით 31 საარჩევნო უბანი იმოქმედებს.
“31 უბანი იქნება, აქედან 16 ელექტრონული, 15 უბანზე კი არჩევნები ტრადიციული მეთოდით ჩატარდება. გვყავს 20 020 ამომრჩეველი”, – განუცხადა “ინფო იმერეთს” ნატო კენჭოშვილმა.
იმერეთის ახალი ამბების სააგენტო “ინფო იმერეთი” არჩევნებამდე ყოველდღე რეგიონის 12-ვე მუნიციპალიტეტზე გიამბობთ და მოგიყვებით, სად რამდენი ამომრჩეველია და როგორი წესით ჩატარდება არჩევნები.
კომენტარები