ჩვენი მიზანია, რომ მოსახლეობის სოციალური მდგომარეობა გავაუმჯობესოთ, ოპოზიციისგან საბოტაჟი არასდროს გვიკვირდა და ამ შემთხვევაშიც ერთგვარი საბოტაჟის მცდელობაც არ არის გასაკვირი, - ამის შესახებ ირაკლი კობახიძემ "იმედის კვირასთან" განაცხადა.
მისი თქმით, ფასების შემცირების თაობაზე ოპოზიციის საბოტაჟის მცდელობაც არ არის გასაკვირი.
"არ სურთ მოსახლეობისთვის სოციალური ფონის გაუმჯობესება იმისათვის, რომ მღვრიე წყალში თავად შეძლონ თევზის დაჭერა, თუმცა ჩვენ გვაქვს ერთადერთი მიზანი, ჩვენი მიზანია, რომ მოსახლეობის სოციალური მდგომარეობა გავაუმჯობესოთ აქეთკენ ვართ ჩვენ მიმართული. რაც შეეხება ოპოზიციას, ოპოზიციისგან საბოტაჟი არასდროს გვიკვირდა და ამ შემთხვევაშიც ერთგვარი საბოტაჟის მცდელობაც არ არის გასაკვირი“, - განაცხადა ირაკლი კობახიძემ.
