მთავარიახალი ამბებისლაიდი

მიხეილ სააკაშვილის სოლიდარობის აქცია ქუთაისში, პარლამენტის ყოფილ შენობასთან გაიმართება

მიხეილ სააკაშვილის სოლიდარობის აქცია ქუთაისში, პარლამენტის ყოფილ შენობასთან გაიმართება

ხვალ, 18:00 საათზე ქუთაისში, პარლამენტის ყოფილ შენობასთან მიხეილ სააკაშვილის სოლიდარობის აქცია გაიმართება.

აქცია ქუთაისის პარალელურად 7 დიდ ქალაქში ჩატარდება და მისი მონაწილეები საქართველოს მესამე პრეზიდენტის სიცოცხლის გადარჩენას და ამ მიზნით მის საზღვარგარეთ გადაყვანას მოითხოვენ.

“2023 წელი უნდა იყოს ბრძოლისა და გამარჯვების წელი. 2023 წელი უნდა დავიწყოთ სოლიდარობით და ადამიანის სიცოცხლის გადარჩენით!

სწორედ ამიტომ, სოლიდარობისა და მიშას სიცოცხლისათვის 4 იანვარს, 18:00 საათზე გამოვალთ ჩვენ ქალაქებში თბილისსა და ქუთაისში, ბათუმსა და ზუგდიდში, რუსთავსა და გორში, თელავსა და ოზურგეთში. გამოვალთ და მივაწვდენთ ჩვენს გზავნილს ცივილიზებულ მსოფლიოს!”, – აცხადებს “ნაციონალური მოძრაობის” თავმჯდომარე ნიკა მელია.

4 იანვარს მიხეილ სააკაშვილის გადარჩენის მოთხოვნით აქციები მსოფლიოს სხვადასხვა ქვეყანაში, საქართველოს საელჩოებთან გაიმართება.

კომენტარები