ქუთაისში, ავტობუსის გაჩერებებზე საინფორმაციო ელექტრონული დაფების ნაწილი არ მუშაობს.
ფოტოებს სოციალურ ქსელში ადგილობრივები ავრცელებენ და ამბობენ, რომ ხშირია შემთხვევები, როდესაც საინფორმაციო ტაბლო ჩამქრალია.
“ერთხელ დავწერე 2 კვირის წინ, რომ არ მუშაობს, კაბელი იყო გაწყვეტილი და ტაბლოს ელექტროენერგია არ მიეწოდებოდა, კაბელი მეორე დღესვე შეაერთეს, მაგრამ ორი კვირაა, არ ჩაურთავთ. იქნებ ჩართოთ. უბანი “პლაშადკა”, საეკლესიო საავადმყოფოს ეზოსთან”, – წერენ სოციალურ ქსელში ადგილობრივები.
ქუთაისში 108 ერთეული საინფორმაციო ტაბლოა განთავსებული. აღნიშნულის მოსაწყობად ტენდერის გზით შერჩეულმა შპს “ქართული მიკროელექტრონიკამ” 898 283 ლარი მიიღო.
კომენტარები