ქუთაისში, ტანვარჯიშის სპორტულ სკოლაში, პედაგოგი მოსწავლეს თმებში სწვდა, – ამის შესახებ “ინფო იმერეთს” მოზარდის დედა უყვება.
მშობლის თქმით, თავდაპირველად ფაქტს იქ მყოფი ბავშვებიც ადასტურებდნენ და ეს სპორტული სკოლის დირექტორთან საუბრისასაც აღნიშნეს, თუმცა ამ ეტაპზე თვითმხილველი მოზარდები ამბობენ, რომ მათ არაფერი დაუნახავთ.
“ინფო იმერეთის” ინფორმაციით, ბავშვის დედამ უკვე მიმართა საგამოძიებო ორგანოს.
ასევე არსებობს მტკიცებულებები, სადაც დაზარალებულ ბავშვს თანატოლები წერენ, რომ მასწავლებელმა დღეს მოსწავლეს სიტყვიერი და ფიზიკური შეურაცხყოფა უხეში ფორმებით მიაყენა.
ამასთან, მშობელი ამბობს, რომ როგორც გაარკვია, ტანვარჯიშის წრეზე სიარული უფასოა, ის კი ყოველთვიურად პედაგოგს თანხას უხდიდა.
ქუთაისის სპორტულ ააიპში ამბობენ, რომ ფაქტს მოიკვლევენ და დაინტერესდებიან, დადასტურების შემთხვევაში შესაბამისი სანქციები გაკეთდება.
კომენტარები