არჩევნებამდე ცოტა ხნით ადრე სპეცოპერაციის შედეგად დაკავებული ხობის პოლიციის ყოფილი უფროსის ლექსო რაფავას მომდევნო პროცესი ქუთაისის საქალაქო სასამართლოში დღეს გაიმართება.
დღევანდელ სხდომაზე დაცვის მხარე აღკვეთის ღონისძიების შეცვლის საკითხს დააყენებს.
ჯერჯერობით უცნობია, მისცემენ თუ არა სხდომაზე დასწრების საშუალებას თავად რაფავას.
წინა სასამართლო პროცესზე ლექსო რაფავამ დაკავების დეტალები გაიხსენა.
მისი თქმით, 21 ოქტომბრის ღამეს, როცა სახლში ცოლთან და მცირეწლოვან შვილებთან ერთად იმყოფებოდა, სპეცრაზმი შეიჭრა, სპეცრაზმელებმა მათივე მიტანილი ხელყუმბარა კარადაში მოათავსეს, იარაღი საწოლის ქვეშ დადეს და გააფორმეს ისე, თითქოს ეს ნივთები რაფავას ეკუთვნოდა.
კომენტარები