ქუთაისის საკრებულოში ფრაქცია “ნაციონალურ მოძრაობას” სახელი გადაერქმევა.
“ინფო იმერეთის” ინფორმაციით, აღნიშნულ ფრაქციას “პროგრესული პლატფორმა” დაერქმევა.
სახელი ოფიციალურად მას შემდეგ გადაერქმევა, რაც 28 თებერვალს საკრებულოს სხდომა ჩატარდება და დეპუტატები საკითხს ცნობად მიიღებენ.
არსებული ინფორმაციით, მას შემდეგ რაც ფრაქციას აღნიშნული სახელი გადაერქმევა, “ნაციონალურ მოძრაობაში” დარჩენილი დეპუტატები ფრაქციას დატოვებენ, პარტიიდან რამდენიმე თვის წინ წასულები კი ამ სახელწოდების ფრაქციაში გააგრძელებენ პოლიტიკურ საქმიანობას.
კომენტარები