ჭიათურის თეატრის წინ საქართველოს დამსახურებული არტისტების – იზა ჯიშკარიანის და ლილი თავაძის ვარსკვლავი გაიხსნა.
ვარსკვლავის გახსნას წინ უძღოდა მსახიობების შემოქმედებისადმი მიძღვნილი საღამო, რომელსაც ნიკოლოზ წულუკიძე უძღვებოდა.
საქართველოს თეატრალური საზოგადოების გადაწყვეტილებით, საქართველოს დამსახურებულ არტისტებს – იზა ჯიშკარიანს და ლილი თავაძეს სესილია თაყაიშვილის სახელობის ჯილდო მიენიჭათ.
საქართველოს დამსახურებული არტისტები, ჭიათურის საპატიო მოქალაქეები იზა ჯიშკარიანი და ლილი თავაძე თითქმის 60 წელია, რაც ჭიათურის თეატრში მოღვაწეობენ. შესრულებული აქვთ 100-ზე მეტი როლი.
იზა ჯიშკარიანს ხელოვნებაში შეტანილი განსაკუთრებული წვლილისთვის 2018 წელს “ხელოვნების ქურუმის” წოდება მიენიჭა.
კომენტარები