საჩხერეში, სოფელ ჭორვილაში, ბიძინა ივანიშვილის სახლთან დღეს საპროტესტო აქცია გაიმართება.
აქციის მონაწილეები ჭორვილას მიმართულებით 11:00 საათზე თბილისიდან, რესპუბლიკის მოედნიდან დაიძვრებიან.
“დღეს საქართველოს ჰყავს არაფორმალური მმართველი, რომელიც ყოველ დღე გვაშორებს დემოკრატიისგან და ღიად აფერხებს საქართველოს ევროინტეგრაციას. დროა, სამიზნე გავასწოროთ და გავითავისოთ, რომ ჩვენი მთავარი პრობლემა არა ივანიშვილის პოლიტიკური ინსტრუმენტები, არამედ რუსი ოლიგარქი ივანიშვილია, რომელმაც გადაწყვიტა ქართველები ჩაანაცვლოს რუსებით.
დღეს არ არის გარჩევების, ურთიერთბრალდებების და პოლიტიკური კეკლუცობის დრო. მოვუწოდებ ქართულ საზოგადოებას – ერთად დავიწყოთ საქართველოს დეოლიგარქიზაცია ანუ დებიძინიზაცია.
ხუთშაბათს, 19 ოქტომბერს, 11:00 საათზე, რესპუბლიკის მოედნიდან მსვლელობით მივემართებით ჭორვილაში, სადაც ქართველი ხალხის სახელით ივანიშვილს შევახსენებთ, რომ პასუხისმგებლობას ვერ გაექცევა!
დღეს, არ არის დაყოფის დრო – ან ერთად ვიბრძვით რუსი ოლიგარქის წინააღმდეგ, ან ვხვდებით მისი მოღალატეობრივი რეჟიმის მონაწილეები“, – განაცხადა მიხეილ სააკაშვილის წარმომადგენელმა სოფო ჯაფარიძემ.
კომენტარები