გაერთიანებული ოპოზიციის მერობის კანდიდატი ხატია დეკანოიძე ქუთაისში საარჩევნო სიებში არსებულ დარღვევებზე საუბრობს.
მისი თქმით, კედლის სიებში არის ხარვეზები, არ იკითხება მონაცემები და რიგ უბნებზე სიები განთავსებულია მოშორებით.
დეკანოიძის განცხადებით, ეს არის ხელოვნურად შექმნილი ბარიერები ამომრჩევლის დაბნევის მიზნით.
როგორც ოპოზიციის მერობის კანდიდატი აცხადებს, ასევე აღმოჩენილია დარღვევები გადასატან ყუთებთან დაკავშირებით, მისი ინფორმაციით, გადასატანი ყუთები “ქართული ოცნების” კოორდონატორების მიერ კონტროლდება.
ოპოზიციამ არსებული დარღვევების შესახებ ინფორმაცია საერთაშორისო დამკვირვებლებს მოაწოდა.
კომენტარები