“ხარაგაულში ხალხი შიმშილით იხოცება, მერია და საკრებულო კი 150 ათასი ლარის ავტომანქანებს ყიდულობს”

ხარაგაულში, ძველი საკრებულოს რიგგარეშე სხდომა გაიმართა.

დეპუტატებმა ბიუჯეტში ცვლილება შეიტანეს, რომლის მიხედვითაც, საკრებულოს წევრებმა 150 ათასი ლარი ორი ავტომობილის შესაძენად გამოყვეს.

საკრებულოში “ლელოს” წარმომადგენელი ინგა მაღრაძე აცხადებს, რომ იმ დროს, როდესაც რეგიონში მძიმე ეკონომიკური და სოციალური მდგომარეობაა და ადამიანებს უკიდურესად უჭირთ, ძველი საკრებულო ავტომანქანების შესაძენად სხდომას არ უნდა მართავდეს და 150 ათასს ავტომანქანების შესაძენად არ უნდა ხარჯავდეს.