ძლიერმა წვიმამ ზესტაფონის მუნიციპალიტეტში პრობლემები შექმნა. სოფელ პირველ სვირში დატბორილია საავტომობილო გზები, ეზოები, სახნავ-სათესი მიწები.
წყალი შევიდა საცხოვრებელი სახლების პირველ სართულებზე, განადგურებულია ავეჯი და ტექნიკა, დახოცილია შინაური ფრინველი.
“ჩვენთვის წვიმა ჯოჯოხეთად იქცა. ყოველი გაწვიმებისას დაახლოებით ასეთ მდგომარეობაში ვართ და ახლა მთლად სასწაული მოხდა. სახლების პირველ სართულებზე აღარაფერი ვარგა, ბავშვები და მოხუცები რომ არ დაგვეხოცოს, მეორე სართულებზე ავიყვანეთ”, – აცხადებენ ადგილობრივები.
კომენტარები