საინფორმაციო სააგენტო “ინფო იმერეთმა” პარამკლავჭიდში მსოფლიო ჩემპიონი ვახტანგ ახობაძე საპატიო სიგელით დააჯილდოვა.
ცნობილი სპორტსმენის დაჯილდოება “ინფო იმერეთის” სამი წლის იუბილეზე მოხდა.
საპატიო სიგელი ვახტანგ ახობაძეს საინფორმაციო სააგენტო “ინფო იმერეთის” ხელმძღვანელმა ირაკლი ვაჩიბერაძემ გადასცა.
“ძალიან დიდი მადლობა დაფასებისთვის, მიხარია, რომ ჩემმა შრომამ შედეგი გამოიღო. ბედნიერი ვარ, რომ ჩემს ქვეყანაში, ჩემს ქალაქში დამაფასეს. მადლობა საინფორმაციო სააგენტო “ინფო იმერეთს”, – განაცხადა ვახტანგ ახობაძემ.
ვახტანგ ახობაძე მსოფლიოს ჩემპიონი 60 კგ წონითი კატეგორიაში მოლდოვის დედაქალაქში, ქალაქ კიშინიოვში გამართულ ჩემპიონატში 23 აგვისტოს გახდა.
კომენტარები